История русской Церкви. Том 4

7. По мале времени прииде Ферапонт от Белоозера, едино пострижение имый с святым; начят же его блаженный Кирил въпрошати, есть ли место тамо на Беле озере, идеже бы мощно иноку безмольствовати. Ферапонт же "ей, зело,- рече,- суть многа места к единению". Блаженный же видения ему не поведа, но тако просто въпрошаше его. Таж по времении съгласившеся, оба изыдоша от монастыря, идеже святый жилище имяше, и тако, Богу поспешествующю им, пути касаются, и многы дни шествие творяще, и приидоша на Бело озеро, и тако обхожаху многа места; но нигде святый не възлюби места к житию, но искаше указаннаго ему места, но не иже Пречистою преже, сый еще в древней обители, зван бяше; по обхожению ж многых мест послеж приидоша на место, идеже ныне монастырь стоит (л. 112 об.).

8. И тако начаша копати келью в земли. И тако сему бывающю, и время некое препроводивши вкупе, и абие друг от друга разлучишася. Блаженный же Кирил оста на месте том. Ферапонт же отьиде прочь отьтуду недалече, яко 15 поприщь или нечто мало множае. Обрете место тамо близ езера, Паское зовомо, и ту вселися, и церковь създа тамо в имя Пречистые Владичице нашия Богородици и Приснодевыи Марии, честнаго Ея Рождества. Събравшеся братия к нему, и есть монастырь на месте том, зело красен, много имущи братии, Господеви работающих дажь и до сего дни. Тем ж и монастырь он прозва се Ферапонтов даже и доныне (л. 113 об.).

9. Таж по сих начаша приходит к святому и мнози отвседу, ови ползи ради, инии же, хотяще съжительствовати с ним, моляху его еже сподобити иноческому образу. Он же по прошению многих приимаше тех и сподобляет их ангельскаго образа. Прииде ж к нему Нафанаил некто именем, иже после бысть келарь тоя обители, и мнози неци от братии приидоша к нему (л. 115 об.).

10 Бяше же оустав блаженного Кирила: в церкви никому ж с иным не беседовати, ниже из церкви исходити преже конца, но всем комуждо в своем оустановленном чину стояти и славословленых пребывати. Тако ж и к Евангелию и святых икон поклонению оустав по старьчеству съблюдааху, да не кое размешение будет в них. Сам же блаженный николи ж, в церкви стоя, к стене приклоняся и без времяни не сидящи, но и нози его, яко столпни, бяху. Тако ж и к трапезе идущи по старьчеству и к местом исхожаху, на трапезе ж седящих кождо их по своим местом молчаху и никогож бяше слышааше, но токмо чтеца единого. Братиям всегда трои снеди бываху, развее постных дней, в нихъже есть аллилуиа. Сам же блаженный от двоих снедей приимаше и тоя яст не до сытости; питие ж его и ино ничто же не бяше, развее единые воды. Въстающе ж от трапезы, отхождааху в кельи свои, молением благо дарящи Бога и не уклоняющи на некыя беседы или от трапезы идущи ко иному некоему брату приходити, кроме великия потребы (л. 119).

11. Бяше же и о сем обычай таков: яко аще кто к некоему брату принесет грамоту или поминок, грамоту не роспечатав приношаше к святому, тако ж и поминок. Тако ж, аще кто хотяше вне монастыря послание написати, без отча повеления никто ж не смеяша послати. В монастыри же и в келий ничто же не велеша имети, ни своим звати, но вся общая, по апостолу, имети, яко да сего ради не рабити будем тем, ихъже нарицаем. Сребренное же и златое веема оттинуд братии не именовашеся, кроме монастырския дохыя, сиречь казны. Отьтуду вся яже к потребе братия имаху. Жаждою же аще кто и одръжим бываше, в трапезу идущи, и тамо с благословением жажду оустужаху. Хлеб же, или вода, или ино что таково в келий никако ж обретааше, кроме еже рукы оумыти. Аще ли кто к кому прийти случишась, ничто же в келий бяше видити, развее иконы и книг. Но тако прости от всего бяху, едино попичение токмо имущи друг друга смирением и любовию превосходити и первее на пение в церкви обрестися. Також и на дело монастырское, идеже аще прилучишася, с страхом Божиим отхождааху и бяху работающи не яко человеком, но яко Богови или пред Богом стояще, и не бяше бых никоего празднословия или мирьския пытати или глаголати, но кождо их в молчание съблюдаше свое любомудрие. Аще же кто и глаголати хотяаше, но ничто иного, разве от писания на ползу прочим братиям, паче же писания неведущим. Много же бяше различие и оустроение тех жития: комуждо бо от братии образ же и меру правилом блаженный дааше; оумеюще иже рукоделье, делающе что и в казну отношааше, себе же ничтоже без благословения не делааше. Вся бо от казны, яко же и преже рекохом, имеяху: одеяние ж, и обуища, и прочая, яже к телесней потребе. Сам же святый отнюд ненавидяаше видети на себе некую лепоту ризную, но тако просто хожааше в ризе раздране и многошвене. Моляше же всех и запрещааше и не имети свое мдрование и готовым быти ко всякому послушанию, да тако плод Богови приносится, а не своей воли последствуют (л. 119 об.- 120).

12. Елма же оубо и се немало дарование блаженному бяше от Бога, егда прихождааше кто странных в обитель ону: мнози бо тогда от различных стран и градов прихождааху к святому, ови хотяще видети святаго и ползоватися от него, инии же изволяющи съжительствовати с ним (л. 123 об.).

13. По неколицех же летех гладу бывшю в людех немалу, таковаго ради оутеснения и нужи, мнози от неимущих прихожааху в обитель святаго нюжди ради глада. Святый же повелевааше даяти хлебы просящим к тех насыщению, и тако даяху по вся дни нищим хлеба довольно (л. 125).

14. Темже братия, яко нечто мало от печали пременившись, нагробными пение с многою честию скончявше и со многою светлостию землею покрыша многострадалное и трудолюбное тело и сосуд Святаго Духа в лето 6935-го лета, месяца июня в 9 день. Бяше бо блаженнаго Кирила приход на место сее штидесят лет живота своего от рождения своего, пребысть же на месте том лет 30, яко всех лет живота его лет 90" (л. 140).

22

СВИДЕТЕЛЬСТВА О МОНАСТЫРЯХ МНОГОЛЮДНЫХ, ЛАВРАХ, МОНАСТЫРЬКАХ

В житии преподобного Сергия (сборн. моей библ. № 42 [152]) читаем: "Множество много стицахуся от различных стран и град, паче же и постнический лик, своя жительства оставляюще, и к нему (Сергию) прихождаху, судивше полезнейше, еже жительствовати с ним и от него наставлятися к добродетели" (л. 181)."Братству умножающуся по премногу, и бысть монастырь велик и славен благодатию Божиею, строением добродетельна мужа Андроника" (л. 205 об.). "И тако составляет (Феодор) монастырь… чуден (Симонов), и множество от различных стран братии собирахуся ту" (л. 210). "И тако вскоре множество братства собравшеся, и составлено бысть общее житие Божиею благодатию, монастырь честен зело (Голутвинский)" (л. 222). "Устроен монастырь чуден и зело красен, зовомый на Высоком, и собрашася множество братства" (л. 223 об.). В житии преподобного Кирилла Белоезерского (сборн. моей библ. № 2 [148]) говорится: "Начаша приходити к святому (Кириллу) мнози отвсюду… он же по прошению многих приимаше… и мнози неци от братии приидоша к нему" (л. 115 об.). "И есть монастырь на месте том зело красен, много имущи братии, Господеви работающих… темже и монастырь он прозвася Ферапонтов" (л. 113 об.). О Валаамском и Спасо-Прилуцком смотри выше прим. 227 и 284. Лаврою называется Троицке-Сергиев монастырь в житии преподобного Сергия (сборн. моей библ. № 42. Л. 205 [152]); Снетогорский монастырь - в послании Новгородского владыки Симеона (Акт. истор. 1. № 24 [228]), большою лаврою - Спасо-Прилуцкий в житии преподобного Димитрия Прилуцкого (сборн. моей библ. № 50. Л. 40, 41 [150]); великою лаврою монастырь Кирилло-Белоезерский в месяцеслове XV в. (см. выше прим. 371). Монастырьками назывались, например. Николаевский на Шексне и Юрьевский в Роменце (Акт. эксп. 1. 29 [232]; Акт. до юрид. быта Росс. 1. 77, 443 [229]). Желтиков монастырь сначала был малым (жиг. св. Арсения Тверск. у Мурав., за март. 18 [328]). В Николаевском Вяжицком монастыре довольно долго жили только три инока (жиг. св. Евфимия Новгор. в сборн. моей библ. № 18. Л. 185 об.- 187 [155]). И во многих других новгородских монастырях, в окрестностях города, даже до преобразования их в 1528 г. обыкновенно обитали "в лучших шесть черньцов или седмь, а в прочих два или три" (П. собр. р. лет. 4. 284 [351]).

23

СКАЗАНИЕ ОБ ОБРЕТЕНИИ МОЩЕЙ СВЯТОГО ИОАННА, АРХИЕПИСКОПА НОВГОРОДСКОГО

В сборнике нашей библиотеки № 14. Л. 23-25 [149] находится следующее "Чюдо о проявлении и о обретении честных мощей, иже во святых отца нашего Иоанна, архиепископа Новгородскаго, чудотворца.

Егда восхоте Господь прославили угодника своего, минувшим бо многим летом по преставлении святаго. Бысть оубо в лета благочестиваго великаго князя Василия Васильевича всея Русии, при святейшем архиепископе великаго Новгорода и Пскова, во един убо от дний в церкви Премудрости Божий, камень напрасно отпад от верхние страны стены, паче же рещи отторжен бысть Божественною силою, и оудари о камень, лежащий на некоем едином гробе и скважню на нем разседшуюся велию показа; спадший же той камень не зело велик бе, лежащий же на гробе велик и тверд бяше, якоже и на прочих гробех свидетельствуемо есть. Гроб же той не сведем человеки, кто в нем лежащий, понеже от мног лет беяше; мнози бо суть гроби в папертех великия церкви Премудрости Божий, овии суть ведомы человеки, кто в них лежащий, инии же неведомы, токмо единому вся ведящу Богу. Сия же о прежереченнем гробе: видевый церкве тоя иерей оудивися и шед сказа великому архиепископу Евфимию бывшее. Архиерей же Божий Евфимие скоро прииде ко гробу оному, да видит збывшееся, и видев оудивися напрасному спадению камени и разседению твердаго камени, лежащему на гробе, от малаго оударения спадшаго камени. Святый же Божий Евфимий повеле отвалити разседшийся камень от гроба, и, сему бывшу, наполнися церковь благооухания. Взем же архиепископ в руку свою возженную свещу, и приникну во гроб, и виде во гробе оном некоторого лежаща архиепископа во иноческом чину и схиме: ризы же его беяху никакоже тлению причастны, и рек к предстоящим: "Мню сего раба Божия быта велика суща, яко чюдна о нем содеяшася" - и паки повеле покрыта. Сам же отьиде и нача о сем молитися Богу на мног час, да проявит ему, кто есть лежащий во гробе оном. Во едину же нощь, молящуся ему Богу, ста пред ним, очи весть, лежащий во гробе оном. И якоже виде архиепископ Евфимий, оужасеся, и рече ему явивыйся: "Не оужасайся, рабе Божий Евфимие!" Он же рече: "Кто еси, господне, яко тако явно вниде в келию мою". Он же рече: "Аз есмь лежащий во гробе оном, о немже ты молишися, архиепископ Илия, нареченный во иноческом чину в схиме Иоанн. Аз бо сподобихся послужити чюдеси святей Богородице честному Ея знамению. Се бо Господь посла мя к тебе, да устроиши память преставльшимся лежащим в церкви велицей Премудрости Божий: князем русским, и архиепископом великаго Новаграда, и всем православным Христианом,- месяца октября в 9 день, на память святаго священномученика Иерофея, епископа Афиньскаго, отныне и до века на всякое лето. Понеже достойна строителя избра тя Господь и приятно есть Богу дело твое, да такоже заповедай творити по преставлении твоем к Богу, в твое отшествие. Аще кто и по тебе будет архиепископ в Новеграде, да не оставляет памяти сея. Аз же имам Христу молитися о полезных всем християном; а и сам будеши причтен с нами в Царствии Небеснем яко един от святых". И сия рек, невидим бысть. Святитель же Божий Евфимие оупразднився от видения, бысть всю нощь без сна, внимая оумом о видении святаго и еже глагола ему святый. И бе радуяся душею и телом, яко сподобися желаемое получит. На оугрии же предивный святитель Божий Евфимие поведа вся искуснешиим иереом собора Премудрости Божий и ближним своим иноком, иже с ним пребывающи, о видении святителя Божия Иоанна, архиепископа великаго Новаграда, и еже глагола ему святый. Они же прославиша Бога, творящаго чюдная дела святыми своими. И тако святитель Божий Евфимие скоро прииде в церковь пределную святыя Софии, Иоанна Предтечи, со освященным Собором и поклонися целбоносному гробу, и облабыза и, и благодарение воздая святому; такоже и весь священный Собор и вен людие, обретшийся ту. И оттоле ведом бысть человеки гроб великаго знаменоноснаго отца нашего, святителя Божия Иоанна, иже есть и доныне зрим нами, и честныя его мощи исцеления неоскудно подают с верою приходящим к раце святаго. И от того времени святейший архиепископ Евфимие по глаголу святителя Божия Иоанна архиепископа, оустрои память велию преставльшимся князем русским, великому князю Владимиру, иже созда великую церковь святыя Софии, Премудрости Божий, и матери его, благоверной великой княгине Анне, и супрузе его, княгине Александре, и прочим князем, лежащим во святей церкви Премудрости Божий, и их сродником, и архиепископом великаго Новаграда, и всем православным Христианом, в лето 6638-е, месяца октября в 9-й день, на память святаго священномученика Иерофея, епископа Афинскаго. Сам убо служил понахиды и Божественную литургию в велицей церкви Премудрости Божий со архимандритом, и игумены, и иереи, и диаконы, и со всем освященным Собором святыя Софии, яко же лепо бе святителю. Такоже и в прочих церквах священником служити повеле понахиды и Божественную литургию по всему великому Новуграду и по окрестным монастырем по преставльшихся князех русских, и архиепископех великаго Новаграда, и по православных християнех. И отпевшим Божественную литургию, абие оучредив их, отпусти и милостиню вдаде по монастырем и иноком, и инокиням и по всем церквам, тако же и нищим, и вдовицам, и сиротам. И, накормив их и напитав, заповеда, аще и по преставлении его к Богу архиепископу великаго Новаграда не оставити памяти сея отселе и во веки. Первее бо сего не бе творяшеся памяти сицевыя общия в великом Новеграде по преставльшихся князех русских, и по архиепископех великого Новагорода, и по всех православных христианех месяца октября в 9 день; но отселе оуставися в славу Господа Бога и Спаса нашего Иисуса Христа и Его угодников, и ныне и присно и во веки веком, аминь".

24

ПРАВИЛО МАКСИМА, МИТРОПОЛИТА РУССКОГО

"Благословение Максима, митрополита всея Русии, всем християном правоверным.

Ведомо буди вам, чада! Святии апостоли и Вселенская Церкви святая не преда нам по всяку среду и пяток ясти мяса, или сыр, или млеко, но всяку крепость сотвориша и епитемию велику положиша присно два дни. Но и святая Вселенская Церкви Божия пресвятое Воскресение Господа и Бога Спаса нашего Иисуса Христа преда нам и до Фомины недели, сию всю неделю ясти мясо, аще и восхотят человецы, и в среду преполовения, и се не есть удержано. О сем же и по Пянтикостии празнуем неделю едину Происхождение Святаго и Животворящаго Духа, и есть си вся недели неудержанно до недели всех святых, но и всю среду и пяток, ижели суть благочестивии от человек, сии не ядят мяса; аще ли ядят сии, несть удержано. И посем предаша святии Собори говение святых апостол, и говением и се, яко же повелеша святии отцы, аще и причтется праздник святых апостол в среду или в пяток, недостоит християном мяс ясти, но праздновати святый день и ясти рыбу. Аще ли не причтется в среду или в пяток, то несть удержание ясти мяса. Посем же уставиша говение августа месяца до Успения святыя Богородица, а в 1 августа не ясти мяса, в который день причтется не ясти рыбы. Болше ж суще християном, аще и причтется праздник святыя Богородица в среду или в пяток, не ясти мяса, но Пречистыя ради Богородица ямы рыбу. Между святым говением есть и святое Преображение Господа Бога и Спаса нашего Иисуса Христа; в который день причтется не ясти мяса и сию; 15 днии не ясти мяса августа месяца, говение велико уставиша святии отцы, и порушивая и, ядя мяса, всех праздник святых отец отрицаеться. И поставиша говение посем 40 днии всем есть святаго и великаго страшного таинства Божия смотрения, иже быша земная с небесными совокуплена, средоградие стень разорися,- и празнуемь по плоти Рожству Господа и Бога и Спаса нашего Иисуса Христа. Аще причтется праздник святаго Филиппа в среду или в пяток, неподобно ясти мяса християном, но ясти рыба в ты дни святаго Филиппа, а мяс пустити прежде, в котори день причтется опроче сред и пятка. Аще же и праздник Господа и Бога и Спаса нашего Иисуса Христа, Иже по плоти Божественнаго Рожства, в кии день причтется, в той день да ядят мяса до Василиева дни, неудержимо есть. А иже канон Рожства Христова, в кии дни причтется, недостоит ясти мяса, ни рыбы право говеющим. Аще ли причтется канон в суботу или в неделю, устава не разрешающе, хлеб и вино ядят по вечерни.

Паки пристигнет канон Просвещению в суботу или в неделю, якоже и прежде по службе Иоанна Златоустаго, хлеб и вино ядят дондеже по вечерни. Аще ли прилучится во иныи день канон Рожству и Просвещению, опроче суботы и недели, бывает служба Василиева, неподобно оставити. Аще и не служат на каноне, и заутра подобает служити. Аще и причтется Просвещению святыи праздник в среду или в пяток, той день подобает ясти мясо, во иную среду и пятницу не ясти мяса и до недели, иж пред мясопуста, и ею всю неделю неудержанно ясти мясо про ересть армейскую. Си токмо дни, иже суть преданы среде и пятнице, учтом, ихже преда святая Церкви. Во иныя же среды и пятницы неподобает ясти мяса, ни на Рожество святыя Богородица, ни на иныи же на который праздник, опроче сих, иже написах. Се же написах все про среды и пятницы.

Пишу же и се вам, детем моим, и да вси чада моя, порождении в купели, новосвящении, да держите жены от святыя соборньм и апостольския Церкве, занеже жена спасения ради человеческаго бысть. Аще ж их держите в блуд без благословения церковнаго, то что та в помощи есть, но молися им и нуди их, аще и стари суть, и младии, да венчаются в церкви.

Си вся глагола вам, уча вас, чада моя, к послушанию дерзо тецете. Аще послушаете мене, пастуха душ ваших,- благодать Богу; аще ли ни - то мы вне греха есмы. Благодать Божия и благословение мое будет со всеми правоверными християны молитвами Пречистая и Пресвятыя Владычицы нашея Богородица и всех святых, всегда и ныне и присно и во веки веком, аминь".

Правило митрополита Максима напечатано здесь по списку Рум. музеума. № 238. Л. 416-419 [181]. А варианты показаны по списку того же музеума № 233. Л. 320-321 [178].

25

УКАЗАНИЕ БОГОСЛУЖЕБНЫХ КНИГ, СОХРАНИВШИХСЯ ОТ МОНГОЛЬСКОГО ПЕРИОДА

Сохранилось:

1) Евангелий -а) одиннадцать в Московской Синодальной библиотеке (Савв. Указател. С. 171-172. Изд. 2 [375]; Горек, и Невостр. Описан. 1. № 21-31 [254]); б) восемь в Новгородской Софийской (Куприан. Обозрен. в Изв. II Отд. Акад. наук. 4. С. 278-283 [312]); в) тринадцать в бывшей Толстовской (Описан. С. 2, 6, 43, 92,170,194, 212, 213, 226, 234, 360, 561 [297]); г) девять в Румянцевском музеуме (Восток. Опис. С. 172-180 [246]); д) четыре в бывшей библиотеке Царского (Строев. Опис. С. 28 [404]); е) три в библиотеке Воскресенского монастыря (Амфилох. Описан. в Извест. II Отд. Акад. наук. 7. 259-261 [235]); ж) четыре в библиотеке Кирилло-Белоезерского монастыря (Варлаам. Обозрен. в Чтен. Москов. истор. общ. 1860. 2. 5-10 [241]). У г. Срезневского в его Обозрении древн. памяти, русск. письма и языка (Извест. II Отд. Акад. наук. 10 [397]) перечислено до 25 Евангелий в период только 1250-1400 г. (См. там же указатель к этому обозрению. С. 717 [397]).