100 молитв на быструю помощь. Самые сильные молитвы на исцеление

Молитва вторая

О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца и Сына и Святаго Духа, ныне и присно и во веки веков. Аминь.

Молитвы при болезнях горла и опасности удушения

Священномученику Власию, епископу Севастийскому

Священномученику Власию молятся при заболеваниях горла, а также при опасности удушения (например, кусочком пищи). Помогает святой и при болезнях животных.

День памяти 11/24 февраля

Священномученик Власий жил в III–IV вв. в Малой Азии и известен был своей праведной и благочестивой жизнью. По единодушному избранию жителей он был рукоположен епископом своего города.

Во времена гонений на христианскую веру был вынужден жить в пещере на горе Агреос, исцеляя от недугов диких животных. Убежище святого было открыто слугами правителя Агриколая – они прибыли для отлова зверей, необходимых им для терзания мучеников-христиан. Прославляя и благодаря Бога, призывающего его на подвиг, святой Власий последовал за воинами. По пути в город святой исцелял больных и совершал чудеса. Доставленный к правителю Агриколая, святой Власий силой своей молитвы творил чудеса и исцелял недужных. За исповедание христианской веры святой был предан мученической кончине и перед смертью возносил молитвы о ниспослании помощи Всевышнего всем христианам.

Кондак, глас 4-й

Обрел еси Богодохновение в видения восход: сего ради слово истины исправляя и веры ради пострадал еси даже до крове, священномучениче Власие, моли Христа Бога спастися нашим душам.

Кондак, глас 8-й

Священия помазанием и мучения кровию украсился еси, славне Власие, сияеши всюду, в Вышних ликуя и нас назирая, в храм твой пришедшия и в нем тебе непрестанно зовущия: всех нас соблюди.

Молитва

О многострадальный отче, великий угодниче Божий, священномучениче Власие. Услыши нас грешных, к тебе прибегающих и тепле тебе молящихся. Буря многих зол, бед и скорбей обдержит нас, болезни душевныя и телесныя и всякие навождения вражия обуревают нас. Мы же нерадим о спасении нашем, ниже достойны есмы по грехом нашим у Господа помощи просити. Но ты, добрый пастырю, велие дерзновение имеяй у милостиваго Бога, якоже иногда ведомый на мучения твоя, вдовицы слезящия, приникшия к тебе, не отринул еси, ину бо от напасти зверя свободил еси, иныя же отроку исцеление у Господа испросил еси. Такожде и ныне призри на чада твоя в час сей к тебе притекшия, утешения и помощи просящия. Ты убо Господа умолил еси, аще кая болезнь или беда имут кому быти и той помянет имя твое – помощи всякому в прославление Его Пресвятаго Имени. Не отрини нас, молящихся тебе, но якоже обещался еси, во благо сотвори всякое прошение наше, по милости Всеблагаго Бога, Ему же честь и слава во веки веков. Аминь.

Молитвы при лихорадке, повышении температуры

Апостолу Петру

Апостолу Петру молятся для избавления от самых разных болезней, особенно – сопровождающихся лихорадкой, повышением температуры.

Святой апостол, до крещения носивший имя Симон, происходил из семьи простого рыбака из Вифсаиды Галилейской. Приведенный к Христу своим братом, Андреем Первозванным, он оставил дом и семью и последовал за Учителем. После Вознесения Христа и Сошествия Святого Духа, Петр отправился проповедовать Слово Божие, творя чудеса и исцеляя недужных.

Мученическую кончину святой апостол принял в Риме, будучи распят вниз головой.

Молитва

О святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих, в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем.

Научи нас, учителю наш, проливати слезы покаяния, да плачем горько о деяниих наших в веце сем. И аще твоя слезы, в покаянии излиянныя, милостию Своею покры Господь и Учитель твой, испроси и нам, со дерзновением апостольским, прощения во гресе ежечаснаго, от Христа отреченныя злыми помыслы и делы нашими. Да тихое и безмолвное житие поживем в веце сем до часа, в оньже имать призвати нас века Господь, наш Судия нелицеприятный. Ты же, о всехвальный апостоле, не отвержи вопля нашего и стенаний к тебе, но заступи нас пред Христом твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.

Преподобному Марону, Сирийскому Пустыннику

Особую помощь святой преподобный Марон Сирийский оказывает страдающим горячкой и лихорадкой.

День памяти 14/27 февраля

Святой Марон жил в Сирии в IV в. Вся жизнь святого прошла в молитвах, посте, неустанных трудах и наставлении своих ближних. Обращавшимся к нему за назиданием преподобный советовал быть воздержанными, заботиться о своем спасении, опасаться любостяжания и гневливости.

За богоугодную жизнь и исповедания истинной веры Господь послал ему дар молитвой и благословением врачевать телесные и душевные недуги.

Тропарь, глас 2-й

Яко незаходимое солнце возсия нам днесь светозарными твоими молитвами, преподобне отче наш Мароне, иже некия горы достигл, и тамо на ней живущими нечестивыми чтом бысть, за превозходящую твою к Богу добродетель, и тамо обрет требище идольское, Богу освятив, в нем пребывал еси; и видев Человеколюбец Бог твой подвиг и труды, дарова тебе дар Свой, имже пронесеся имя твое в человецех, целити скорби, огневицу и трясавицу. Темже и зовем: радуйся, целителю наш скорый, радуйся, заступниче наш теплый; предстоиши бо у Пресвятыя Троицы, молися Той о призывающих имя твое святое, да избавимся от сих тяжких скорбей и спасет души наши.

Преподобному Василию Новому, исповеднику Константинопольскому

Святому возносят молитвы для избавления от лихорадки и хронических заболеваний дыхательных путей.

День памяти 26 марта/8 апреля

С юных лет преподобный Василий, живший в X в. в Византии, пребывал вдали от людей и проводил дни и ночи в молитве. Случайно обнаружив исповедника, придворные доставили его к патрицию Самону. После обличения грехов патриция святой был предан жестоким пыткам, однако мучения не причинили вреда его телу. Более ста лет прожил исповедник, творя чудеса и исцеления, прорицая и наставляя жителей Константинополя.

Молитва

О преподобне отче Василие! Кто повесть добродетели твои, слезы, бдения, коленопреклонения, молитву, безгневие, кротость и милостыню, ибо все, приносимое тебе, ты раздавал неимущим! Всех, приходивших к тебе, ты принимал, поучал и утешал. И служившей тебе старице Феодоре, при отшествии ея от жизни сей, много добрых дел ты даровал на выкуп ея на мытарствах. И людей, страдавших лихорадкою, силою Божиею многократно врачевал.

Молим тя, святый Василие, подай здравие одержимым лихорадкою, да получив исцеление, твердо станут они на скале терпения и благочестия, прославляя Бога, Дивнаго во святых Своих, ныне, и присно, и во веки веков. Аминь.