Сказания и повести о Куликовской битве

И повел мосты мостити на Дону и бродовъ пытати ⁴¹тоа нощи,⁴² в канун пречистыа матере божиа богородица. Заутра в суботу порану, месяца сентября 8 день в самый нраздникъ — Огоспожинъ день,* въсхо-дяшю солнцю, бысть тма велика по всей земли: мьглане бо было баше того от утра до третьяго часа.* И повели тм уступити, а пришествие свту дарова. Князь же исполчи свои полки великии, и вся его князи рускиа свои полци устроивше, и велиции его воеводы облачишася во оджди мстныа. И ключа смертныа растерзахуся, трусъ бе страшенъ, и ужасъ събранным чадом издалеча, от востокъ и западъ. Поидоша за Донъ, в далняа части земля и, преидоша Дон въскор, люто и сврепо и напрасно, яко основанию земному подвизатися от множества силъ.

Князю же перешедшу за Донъ в пол чдсто, в Мамаеву землю, на усть Непрядвы,* господь богъ единъ въжааше его, Hi 6 с ними богъ чюждь. О, крпкиа и твердыа дерзости мужество! О, како не убояся, ни усумняся толика множества народа ратных? Ибо въсташа на нь три земли, три рати: первое — тотарьскаа, второе — литовьскаа, третьее — рязаньскаа. Но обаче всх сих не убояся, никако же не устрашися, но, еже к богу врою въоружився, и креста честнаго силою укрпився, и молитвами пресвятыа богородица оградився, и богу помолися, глагола: «Помози ми, господи боже мой, и спаси милости твоеа ради, виждь враги моа, яко умножишася на мя. Господи, что ся умножишася стужающии мн? Мнози въсташа на мя, мнози'борющися съ мною, мнози, гонящей мя, стужающии ми, вси языци обидоша мя. Именемъ господнимъ противляхся им».*

И бысть въ шестую годину дни, начаша появливатися погании измал-тян* в пол, бе бо пол чисто и велико зло. И ту исполчишася тотарьстии полци противу крестьянъ. И ту сретошася полци.⁴³ И, велиа силы узревше, поидоша, и земля тутняше, горы и холми трясахуся от множества вой бесчисленых, извлекоша оружие обоюду остри в руках их. И орли събирахуся, яко же есть писано: «Гд трупи, ту и орли».* Пришедшемъ роком, преже бо начаша ся съждати⁴⁴ сторожевыи полки и рускии с тотарьскими. Самь же великий князь наха наперед въ сторожевых пол-цх на поганаго царя Теляка,* нареченаго плотнаго дьявола, Мамаа; таче потомъ, не долго попустя, отъха князь въ великий полкъ. И се поиде великаа рать Мамаева и вся сила тотарьскаа, а отсел великий князь Дмитрий Иванович съ всими князи рускими, изрядивъ полки, поиде противу поганых половець и съ всми ратми своими. И възрвъ на небо умилнима очима, въздохнувъ⁴⁵ изь глубины сердца, рече слово псаломское: «Братье, богъ намъ — прибжшце и сила».*

И абие сступишася обои ⁴⁶силы велици⁴⁷ их на долгъ час вместо, и покрыша полки пол, яко на десяти верстъ, от множества вой. И бысть сеча зла и велика и брань крепка, трусъ великъ З’ло, яко же от начала миру сча не была такова великим княземь руским, яко же сему великому князю всеа Руси. Бьющим же с я им от 6-го часа до 9, прольяша кровь, аки дождева туча, обоих — руских сынов и паганых; множество бесщисле-ное падоша трупья мертвых обоих: и много руси побьени быша от татаръ, и отъ руси тотари, паде трупъ на трупе, и паде тло тотарьское на глеси крестьяньском. Инди видти баше русинъ за тотарином ганяшеся, а тотаринъ сии настигаше. Смятоша бо ся и размсиша, коиждо бо своего супротивника искааше побдити.

И рече к соб Мамай: «Власи наши растерзаются, очи наши не могут огненыхъ слз истачати, языци наши связаются, и гортан ми присыхает, и сердце⁴⁸ раставает, чресла ми растерзаются, колени ми изнемогают, а руцй очшгбнивают».

Что нам рещи или глаголати, видяще пагубную смерть? Инии бо ме-чемь прескаеми бывааху, инии же на копья взимаеми. Да гм же рыданиемь исполнишася москвици мнози небывалци, то видёвше, устраши-шася, и живота отчаявшеся, и на бчги обратившеся, и побгоша, а не помянута, яко мученици глаголаху друг къ другу: «Братие, потерпим мало: зима яра, но рай сладокъ, и страстен меч, но сладко венчание».* А ины сыны⁴⁹ агаряны* на бгъ възвратишася от крича велика, зряще злаго убийства.

И по сих же, въ 9 час дни, призри господь милостивыма очима на вси князи рустии и на крчпкыа воеводы и на вся крестьяны и дрьзнувше за крестьяньство и не устрашившеся, яко велиции ратници. Видиша бо вр-нии, яко въ 9 часъ бьющеся ангели помагають крестьяном и святых му-ченикъ полкъ, воина Георгиа⁵⁰ и славнаго Дмитриа* и великих князей тезоименитых Бориса и Глеба,* в них же бе воевода свршеннаго полка небесных вой архистратиг Михаил.* Двои воеводы видЗипа полци, тре-солнечный полкъ и пламенныа их стрелы, яже идут на них. Безбожнии же тотарове от страха божиа и от оружьа крестьяньскаго падаху. И възнесе богъ нашего князя на победу иноплеменникъ.⁵¹

А Мамай съ страхом въстрепетавъ и велми въстонавъ, и рече: «Великъ богъ крестьяньский и велика сила его: братьа измаиловичи, безаконнии агаряне, побежите неготовыми дорогами». А самъ, вдавъ плещи свои, и побже скоро паки къ Орде.* И, то слышавше, вси его темныа власти и князи побегоша. И то видвше, и прочьи иноплеменници, гоними гневом божиимъ, и страхом божиимъ одрьжими суще, от мала и до велика на бгъ устремишася. Видвгле⁵² крестьяне, яко тотарове с Мамаем побегоша, и погнаша за ними, бьюще и сйкуще поганых безъ милости. Богъ бо невидимою⁵³ силою устраши полки тотарьскии,⁵⁴ и побеждени обратиша плещи свои на язвы. И в погони той овии же тотарове от крестьянъ язвени и оружиемь падоша, а друзии в реце истопоша. И гониша их до реце до Мчи,* и тамо бежащих бесщисленое множество погибоша. Княжии же полци гнаша содомьлянъ,* бьюще, до стана их, и полониша богаства много и вся имниа их содомьскаа.

Тогда же на том побоищи убьени быша на сьступе: князь Феодоръ Романович Белозерьский, сынъ его Иванъ,* князь Феодоръ Торусский⁵⁵* и брат его Мьстиславъ,* князь Дмитрий Монастыревъ,* Семен Михайлович,* Минула, сынъ Васильевъ* тысячного, Михайло ⁵⁶Ивановъ, сынъ* Анкифович,⁵⁷* Иванъ Александрович,* Андрей СеркизовъД Тимофей Васильевичь Акатьевичь,* нарчаеми Волуй, Михайло Бренков,* Левъ» Мозыревъ,* Семенъ Меликов,* Дмитрей Мининич,* Александръ Пересвт,* бывый преже боляринъ бряньский, и⁶⁸ инии мнози, их же имена не суть писана въ книгах сих. Сииже писана быша князи токмо, и воеводы, и нарочитых и старейших боляръ имена, а прочьих боляръ и слугъ оставих имена и не писах ихъ множества ради именъ, яко число превосходить ми: мнози бо на той брани побьени быша.

Самому же князю великому баше видти всь доспхъ его битъ и язвен, но на глеси его не бЗипе язвы ни коея же, а бился с тотары в лице, ставъ напреди, на первом суиме. О сем убо мнози князи и воеводы многажды глаголаше ему: «Княже, господине! Не ставися напреди битися, но назади, или криле, или нгде въ опришнемь месте». Он же отвещевааше им: «Да како азъ възглаголю: „Братьаа моа, да потягнем вси съ единого*, а самъ лице свое почну крыти и хоронитися назади? Не могу в том быти, но хощу яко же словом, такожде и делом напреди всех и пред всими главу сврю положити за свою братью и за вся крестьяны, даи прочьи, то видевше, приимут съ усердием дрьзновение». Да яко же рече, и тако сътвори: бьяшеся с тотары тогда, ставъ напреди всёх. А елико одесную и ошююю его, дружину его биша, самого же въкругъ оступиша около, аки вода многа обаполы, и многа ударенна ударишася по главе его и по плещема его и по утробе его, но от всех сих богъ заступил его въ день брани щитом истинным и оружеем благоволениа⁶⁹ осенилъ есть над главою его, десницею своею защитил⁶⁰ его, и рукою крепкою и мышцею⁶¹ высокою* богъ избавилъ есть, укрепивый его, и тако промежи ратными многыми цФл съхраненъ бысть. «Не на лукъ бо мой уповаю, и оружие мое не спасеть мене, яко же рече Давыдъ пророкъ, — вышняго положилъ еси прибежище твое; не приидет к тебе зло и раны не приближится к те леей твоему, яко ангелом своимъ заповесть о⁶² тебе съхранит тя въ всех путех твоих, и не убоишися от стрелы, летящиа въ день».*

Се же бысть грех ради наших: въоружаются на ны иноплеменници, да быхом ся отступили от своих неправдъ, от братоненавидениа, и от сребро-любиа, и в неправду судящих, и от насильа. Нъ милосердъ бо есть богъ чловеколюбець: не до конца прогневается на ны, ни въ веки враждуеть.* А отселе, от страны литовскиа, Ягайло, князь литовьский, прииде съ всею силою литовьскою Мамаю пособляти, тотаром поганым на помощь, а крестьяном на пакость, но и от тех богъ избавил: не поспеша бо на срок за малымъ — за едино днище или меныпи. Но точью слышавъ Ягайло Олгердович⁸³ и вся сила его, яко князю великому с Мамаемь бой был, и князь великии одоле, а Мамай побежденъ побеже,⁶⁴ и без всякого пожданиа литва сь Ягайлом⁶⁵ побегоша назад съ многою скоро-стию, ни ким же гоними. Не видеша бо тогда князя великаго, ни рати его, ни оружьа его, токмо имени его Литва бояхуся и трепетаху.⁶⁶ Ане яко при нонешних временех — литва над нами⁶⁷ издеваются и поругаются… Но мы сию беседу оставлеше ина®⁸ предлежащее възвратимься.

Князь же Дмитрий съ братом своим с Володимиром, и съ князми русскими, и с воеводами, и с прочьми боляри, и съ всеми вой оставшемися, ставъ той нощи на поганых обдищихъ,⁶⁹ на костех тотарьских, утеръ поту своего и отдохнувъ от труда своего, велико⁷⁰ благодарение принесе к богу, давшему такову на поганыа победу, избавляющему раба своего от оружиа люта: «Помянулъ еси, господи, милость свою, избавил ны еси, господи, от сироядець сих, от поганаго Мамаа и от нечестивых измаило-вич и от безаконных агарянъ, подаваа честь, яко сынъ своей матере. Уставилъ еси стремление страстное, яко же еси уставил слузе своему Моисею, и древнему Давыду, и новому Костянтину,* и Ярославу,* сроднику великих князей, на оканнаго и на проклятаго братоубийцю, безглавнаго зверя Святополка.* И ты, богородице, помиловала еси милостию своею нас, грешных рабъ своих, и всь род крестьяньский, умолила еси безлтнаго сына своего». И мнози князи рустии и воеводы прехвалными похвалами прославиша пречистую матерь божию богородицю.