Молитвослов для готовящихся к Исповеди и Причастию (с раздельными канонами)
Шрифт:
Благаго Царя благая Мати, Пречистая и Благослов'eнная Богородице Марие, милость Сына Твоего и Бога нашего изл'eй на страстную мою душу и Твоими молитвами настави мя на деяния благая; да прочее вр'eмя живота моего без порока прейду и Тобою рай да обрящу, Богородице Д'eво, едина Чистая и Благослов'eнная.
Ангеле Христов, хранителю мой святый и покровителю души и т'eла моего, вся ми прости, елика согреших во дн'eшний день, и от всякаго лукавствия противнаго ми врага избави мя, да ни в коемже грес'e прогн'eваю Бога моего; но моли за мя гр'eшнаго и недостойнаго раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.
Взбранной Воеводе победительная, яко избавльшеся от злых, благодарственная восписуем Ти раби Твои, Богородице, но яко имущая державу непобедимую, от всяких нас бед свободи, да зов'eм Ти: радуйся, Нев'eсто Ненев'eстная.
Преславная Приснод'eво, Мати Христа Бога, принеси нашу молитву Сыну Тво'eму и Богу нашему, да спас'eт Тобою души наша.
Все упование мо'e на Тя возлагаю, Мати Божия, сохрани мя под кровом Твоим.
Богородице Д'eво, не пр'eзри мен'e гр'eшнаго, тр'eбующа Тво'eя помощи и Твоего заступл'eния, на Тя бо упова душа моя, и помилуй мя.
Упование мо'e От'eц, приб'eжище мо'e Сын, покров мой Дух Святый: Троице Святая, слава Тебе. Достойно есть яко воистинну блажити Тя, Богородицу, Присноблаж'eнную и Пренепорочную и Матерь Бога нашего. Честн'eйшую Херувим и славнейшую без сравн'eния Серафим, без истл'eния Бога Слова рождшую, сущую Богородицу Тя величаем. (Поклон.)
[От Пасхи до Вознесения вместо этой молитвы читается припев и ирмос 9-й песни Пасхального канона:
Ангел вопияше Благодатней: Чистая Д'eво, радуйся! И паки реку: радуйся! Твой Сын воскр'eсе тридн'eвен от гроба и м'eртвыя воздвигнувый; людие, веселитеся!
Светися, светися, новый Иерусалиме, слава бо Господня на Теб'e возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Тво'eго.
В двунадесятые праздники читается задостойник праздника.]
Слава, и ныне: Господи, помилуй. (Трижды.)
Господи Иисусе Христ'e, Сыне Божий, молитвами Пречистыя Твоея Матере, преподобных и богоносных от'eц наших и всех святых, помилуй и спаси нас, яко Благ и Человеколюбец. Аминь.
Когда хочешь возлечь на одр свой, читай следующие молитвы:
Владыко Человеколюбче, не уж'eли мне одр сей гроб будет, или ещ'e окаянную мою душу просветиши днем? Се ми гроб предлежит, се ми смерть предстоит. Суда Твоего, Господи, боюся и муки безкон'eчныя, злое же творя не престаю: Теб'e Господа Бога моего всегда прогневляю, и Пречистую Твою Матерь, и вся Неб'eсныя силы, и святаго Ангела хранителя моего. Вем убо, Господи, яко недостоин есмь человеколюбия Твоего, но достоин есмь всякаго осужд'eния и муки. Но, Господи, или хощу, или не хощу, спаси мя. Аще бо праведника спас'eши, ничтоже в'eлие; и аще чистаго помилуеши, ничтоже дивно: достойни бо суть милости Твоея. Но на мне гр'eшнем удиви милость Твою: о сем яви человеколюбие Тво'e, да не одол'eет моя злоба Тво'eй неизглаголанней благости и милос'eрдию: и якоже хощеши, устрой о мне вещь.
Просвети очи мои, Христ'e Боже, да не когда усну в смерть, да не когда реч'eт враг мой: укрепихся на него.
Слава: Заступник души моея буди, Боже, яко посред'e хожду сет'eй многих; избави мя от них и спаси мя, Блаже, яко Человеколюбец.
И ныне: Преславную Божию Матерь, и святых Ангел Свят'eйшую, немолчно воспоим с'eрдцем и усты, Богородицу сию испов'eдающе, яко воистинну рождшую нам Бога воплощ'eнна, и молящуюся непрестанно о душах наших.
Знаменуй себя крестом и говори молитву Честному Кресту:
Да воскр'eснет Бог, и расточатся врази Его, и да бежат от лица Его ненавидящии Его. Яко исчезает дым, да исч'eзнут; яко тает воск от лица огня, тако да погибнут б'eси от лица любящих Бога и знаменующихся кр'eстным
знамением, и в вес'eлии глаголющих: радуйся, Пречестный и Животворящий Кр'eсте Господень, прогоняяй б'eсы силою на Тебе пропятаго Господа нашего Иисуса Христа, во ад сш'eдшаго и поправшаго силу диаволю, и даровавшаго нам Теб'e Крест Свой Честный на прогнание всякаго супостата. О, Пречестный и Животворящий Кр'eсте Господень! Помогай ми со Святою Госпож'eю Д'eвою Богородицею и со вс'eми святыми во в'eки. Аминь.Или кратко:
Огради мя, Господи, силою Честнаго и Животворящаго Твоего Креста, и сохрани мя от всякаго зла.
Ослаби, остави, прости, Боже, прегреш'eния наша, вольная и невольная, яже в слове, и в д'eле, яже в в'eдении и не в в'eдении, яже во дни и в нощи, яже во ум'e и в помышл'eнии: вся нам прости, яко Благ и Человеколюбец.
Ненавидящих и обидящих нас прости, Господи Человеколюбче. Благотворящим благосотвори. Братиям и сродником нашим даруй яже ко спас'eнию прош'eния и жизнь в'eчную. В н'eмощех сущия посети и исцел'eние даруй. Иже на мори управи. Путеш'eствующим спутеш'eствуй. Служащим и милующим нас грехов оставл'eние даруй. Запов'eдавших нам недостойным молитися о них помилуй по велицей Тво'eй милости. Помяни, Господи, пр'eжде усопших от'eц и братий наших и упокой я, ид'eже присещает свет лица Твоего. Помяни, Господи, братий наших плен'eнных и избави я от всякаго обстояния. Помяни, Господи, плодоносящих и доброд'eлающих во святых Твоих ц'eрквах, и даждь им яже ко спас'eнию прош'eния и жизнь в'eчную. Помяни, Господи, и нас, смир'eнных и гр'eшных и недостойных раб Твоих, и просвети наш ум св'eтом разума Твоего, и настави нас на стезю заповедей Твоих, молитвами Пречистыя Владычицы нашея Богородицы и Приснод'eвы Марии, и всех Твоих святых: яко благослов'eн еси во в'eки веков. Аминь.
Исповедаю Тебе Господу Богу моему и Творцу, во Святей Троице Едйному, славимому и покланяемому, Отцу, и Сыну, и Святому Духу, вся моя грехи, яже сод'eях во вся дни живота моего, и на всякий час, и в настоящее вр'eмя, и в преш'eдшия дни и нощи, д'eлом, словом, помышл'eнием, объяд'eнием, пиянством, тайнояд'eнием, празднословием, унынием, л'eностию, прекословием, непослушанием, оклеветанием, осужд'eнием, небреж'eнием, самолюбием, многостяжанием, хищ'eнием, неправдоглаголанием, скверноприбытчеством, мшелоимством, ревнованием, завистию, гн'eвом, памятозлобием, н'eнавистию, лихоимством и вс'eми моими чувствы: зр'eнием, слухом, обонянием, вкусом, осязанием и прочими моими грехи, душ'eвными вкупе и тел'eсными, имиже Теб'e Бога моего и Творца прогн'eвах, и ближняго моего онеправдовах; о сих жал'eя, винна себ'e Теб'e Богу моему представляю, и им'eю волю каятися: точию, Господи Боже мой, помози ми, со слезами смир'eнно молю Тя: преш'eдшая же согреш'eния моя милос'eрдием Твоим прости ми, и разреши от всех сих, яже изглаголах пред Тобою, яко Благ и Человеколюбец.
Когда отходишь ко сну, произноси:
В руце Твои, Господи Иисусе Христ'e, Боже мой, предаю дух мой: Ты же мя благослови, Ты мя помилуй и живот в'eчный даруй ми. Аминь.
Канон покаянный ко Господу нашему Иисусу Христу
Песнь 1
Яко по суху пешеш'eствовав Израиль, по б'eздне стопами, гонителя фараона видя потопляема, Богу поб'eдную песнь поим, вопияше.
Помилуй мя, Боже, помилуй мя.
Нынt е приступихt аз грешt ный и обремененt ный к Теб'e, Владыце и Богу моему; не см'eю же взирати на н'eбо, токмо молюся, глаголя: даждь ми, Господи, ум, да плачуся дел моих горько.
Помилуй мя, Боже, помилуй мя.
О горе мне гр'eшному! Паче всех челов'eк окаянен есмь, покаяния несть во мне; даждь ми, Господи, сл'eзы, да плачуся дел моих горько.
Слава: Безумне, окаянне челов'eче, в л'eности вр'eмя губиши; помысли жити'e Тво'e, и обратися ко Господу Богу, и плачися о д'eлех твоих горько.