Молитвослов для готовящихся к Исповеди и Причастию (с раздельными канонами)

И ныне: Мати Божия Пречистая, воззри на мя гр'eшнаго, и от с'eти диаволи избави мя, и на путь покаяния настави мя, да плачуся дел моих горько.

Песнь 3

Несть свят, якоже Ты, Господи Боже мой, вознесый рог в'eрных Твоих, Блаже, и утвердивый нас на камени испов'eдания Твоего.

Помилуй мя, Боже, помилуй мя.

Внегда поставлени будут престоли на Судищи Страшнем, тогда всех челов'eк дела обличатся, горе тамо будет гр'eшным, в муку отсылаемым; и то в'eдущи, душ'e моя, покайся от злых дел твоих.

Помилуй мя, Боже, помилуй мя.

Праведницы возрадуются, а гр'eшнии восплачутся, тогда никтоже возможет помощи нам, но дела наша осудят нас; т'eмже пр'eжде конца покайся от злых дел твоих.

Слава: Увы мне великогр'eшному, иже д'eлы и мысльми осквернився, ни капли слез им'eю от жестос'eрдия; ныне возникни от земли, душ'e моя, и покайся от злых дел твоих.

И ныне: Се, взывает, Госпож'e, Сын Твой, и поучает нас на доброе, аз же гр'eшный добра всегда б'eгаю; но Ты, Милостивая, помилуй мя, да покаюся от злых моих дел.

Седален, глас 6-й

Помышляю день страшный и плачуся деяний моих лукавых: како отвещаю Безсм'eртному Царю, или коим дерзнов'eнием воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Слава, и ныне: Богородичен: Связан многими ныне пленицами грехов и содержимь лютыми страстьми и бедами, к Теб'e прибегаю, моему спас'eнию, и вопию: помози ми, Д'eво, Мати Божия.

Песнь 4

Христос моя сила, Бог и Господь, честная Ц'eрковь богол'eпно по'eт, взывающи от смысла чиста, о Господе празднующи.

Помилуй мя, Боже, помилуй мя.

Широк путь зде и угодный сласти творити, но горько будет в посл'eдний день, егда душа от т'eла разлучатися будет: блюдися от сих, челов'eче, Царствия ради Божия.

Помилуй мя, Боже, помилуй мя.

Почто убогаго обидиши, мзду на'eмничу уд'eржуеши, брата Твоего не любиши, блуд и гордость гониши? Остави убо сия, душ'e моя, и покайся Царствия ради Божия.

Слава: О безумный челов'eче, доколе углебаеши, яко пчела, собирающи богатство Тво'e?

Вскоре бо погибнет, яко прах и п'eпел: но более взыщи Царствия Божия.

И ныне: Госпож'e Богородице, помилуй мя гр'eшнаго, и в доброд'eтели укрепи, и соблюди мя, да наглая смерть не похитит мя неготоваго, и доведи мя, Д'eво, Царствия Божия.

Песнь 5

Божиим св'eтом Твоим, Блаже, утренюющих Ти души любовию озари, молюся, Тя в'eдети, Слове Божий, истиннаго Бога, от мрака греховнаго взывающа.

Помилуй мя, Боже, помилуй мя.

Воспомяни, окаянный челов'eче, како лжам, клеветам, разбою, н'eмощем, лютым звер'eм, грехов ради порабощ'eн еси; душ'e моя гр'eшная, того ли восхот'eла еси?

Помилуй мя, Боже, помилуй мя.

Треп'eщут ми уди, всеми бо сотворих вину: очима взираяй, ушима слышай, языком злая глаголяй, всего себ'e ге'eнне предаяй; душ'e моя гр'eшная, сего ли восхот'eла еси?

Слава: Блудника и разбойника кающася приял еси, Спасе, аз же един л'eностию греховною отягчихся и злым делом поработихся; душ'e моя гр'eшная, сего ли восхот'eла еси?

И ныне: Дивная и скорая помощнице всем челов'eком, Мати Божия, помози мне недостойному, душа бо моя гр'eшная того восхот'e.

Песнь 6

Жит'eйское море, воздвизаемое зря напастей бурею, к тихому пристанищу Твоему прит'eк, вопию Ти: возведи от тли живот мой, Многомилостиве.

Помилуй мя, Боже, помилуй мя.

Жити'e на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.

Помилуй мя, Боже, помилуй мя.

Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми с'eрдце творити заповеди Твоя.

Слава: Воспряни, окаянный челов'eче, к Богу, воспомянув своя согреш'eния, припадая ко Творцу, слезя и стеня; Той же, яко милос'eрд, даст ти ум знати волю Свою.

И ныне: Богородице Д'eво, от видимаго и невидимаго зла сохрани мя, Пречистая, и приими молитвы моя, и донеси я Сыну Тво'eму, да даст ми ум творити волю Его.

Кондак

Душ'e моя, почто грехами богат'eеши, почто волю диаволю твориши, в чесом над'eжду полагаеши? Престани от сих и обратися к Богу с плачем, зовущи: милос'eрде Господи, помилуй мя гр'eшнаго.

Икос

Помысли, душ'e моя, горький час см'eрти и Страшный Суд Творца Твоего и Бога: Ангели бо грознии поймут тя, душ'e, и в в'eчный огнь введут; убо пр'eжде см'eрти покайся, вопиющи: Господи, помилуй мя гр'eшнаго.

Песнь 7

Росодательну убо пещь сод'eла Ангел преподобным отроком, халд'eи же опаляющее вел'eние Божие, мучителя увеща вопити: благослов'eн еси, Боже от'eц наших.

Помилуй мя, Боже, помилуй мя.

Не над'eйся, душ'e моя, на тл'eнное богатство и на неправедное собрание, вся бо сия не в'eси кому оставиши, но возопий: помилуй мя, Христ'e Боже, недостойнаго.

Помилуй мя, Боже, помилуй мя.

Не уповай, душ'e моя, на тел'eсное здравие и на скоромимоходящую красоту, видиши бо, яко сильнии и младии умирают, но возопий: помилуй мя, Христ'e Боже, недостойнаго.

Слава: Воспомяни, душ'e моя, в'eчное жити'e, Царство Неб'eсное, уготованное святым, и тьму кром'eшную и гнев Божий злым, и возопий: помилуй мя, Христ'e Боже, недостойнаго.

И ныне: Припади, душ'e моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.

Песнь 8

Из пламен'e преподобным росу источил еси и праведнаго ж'eртву водою попалил еси, вся бо твориши, Христ'e, токмо 'eже хот'eти. Тя превозносим во вся в'eки.